الموضوع دة مش عارف هاكتب فية اية ولا هاستفسر عن اية لان لسة ما مرتش بالحب بعد الجواز
( الحب قبل الزواج وبعد الزواج )
بس هانسال ونستفسر عن المشاكل والمشاعر اللى بنشوفها بين كل اتنين قبل الزواج وبعد الزواج وهانشوف الفرق بين الفترتين فى المشاعر والحب اللى بينهم .
نبداء بالحالة العاطفية بين اى اتنين قبل الزواج ( الكلام اللى هايتكتب عبارة عن ملخص لمعظم الحالات او الغالبية للى بنشوفة فى حياتنا ) :
افتكر معظمنا سواء مر بالحب ومتزوج الان او مر بالحب ولم يتزوج او لم يمر بتجربة حب ولكن عاش هذه المشاعر من احساسة باصدقائة او المقربين لة اللى مروا بالحالة العاطفية دى
:: الحب قبل الجواز بين اى اتنين بيبقى حب جميل جدا زى ما بنشوفة لان بتنشاء فية قوة الترابط والتعارف بين الطرفين وتبداء كل شخصية بتدرس شخصية الطرف التانى من خلال ترابط الحب دة او من خلال تعبير كل طرف عن مشاعرة للاخر . وفى مننا اتجوز من غير حب ( الجواز التقليدى ) ودة بارضو له حالة خاصة هاناقشها فى الاخر .
دة ملخص بسيط للحب قبل الجواز او العلاقة بين اى اتنين قبل الجواز ..
الحالة العاطفية بين اى اتنين بعد الزواج ( كلامى ناتج عن اللى بشوفة او بنشوفة فى غالبية الحالات )
اوقات نلاقى العلاقة بين اتنين اتجوزوا بعض على حب نلاقى حياتهم جميلة ومستقرة وفيها هدوء لكن فيها حاجة اتغيرت عن الحالة العاطفية بينهم قبل الزواج وهى نسبة الحب بتقل عن نسبة الحب قبل الزواج ليــــــ؟؟؟ـــة ((( هاسيب الاجابة ليكم ونعرف السبب من تنوع الردود ))) !
فى الاغلبية نلاقى انعكاس تام للحالة العاطفية بينهم اللى كانت قبل الزواج واللى عايشين فيها دلوقتى
بتبداء هذه الحالة بينهم ( بالزهقان ) تلاقى كل واحد زهقان من التانى وتبداء باحالة ملل بينهم وتتمادى الى الخناق بينهم وتبداء حياة المشاكل بينهم وقلة احترام الاراء بينهم ... وفى بعض الحالات لكن مش بنسبة كبيرة قوى بيتجة اى طرف منهم لاى انسان تانى يحس معاه بالراحة او بالتغير عن المشاكل والملل المغمور فيها .
((( تظن او تعتقد اية السبب فى الانعكاس للحالة العاطفية بينهم ))) ؟؟
المتزوجين من غير حب ( الزواج التقليدى )
اوقات بتنجح العلاقة بينهم وبتدوم بعد كدة بالسعادة والحب الدائم بينهم وبيقدروا يتفاهموا مع بعض فى امور حياتهم المشتركين فيها للابد ..
واوقات بيبقى فى عدم تفاهم بينهم وزيادة مشاكل لاختلاف الاراء بينهم وكلمة تقال دائما ( كان يوم اسود يوم ما عرفتك ههههههههههه ولا يوم ما اتجوزتك )
طبعا دة الرجل او المراءة الاتنين بيقولوا كدة
ياترى مين السبب هنا واية السبب فى وصولهم للحالة دى ؟؟؟
منتظر ردكم ورايكم
واتمنى يكون الرد فيه شئ من الطبيعى فى الحياة اللى بنشوفها
منتـــ روميو ــدى
الخميس أبريل 26, 2007 5:13 pm
