يا تري ايه الاخطاء اللي ممكن تقع فيها السنه دي؟
كلامي للشباب بس عشان لما ييجي يفتكر سنه اولي مع حبيبته يفتر دايما انها كانت احلي سنه.............
من واقع خبرتى وتجربى الأخطاء هى
1-الهدايا الكتير اوي: شباب كتير بيفتكر انه كل ما قدم هدايا كتير للحبيبه ان حجم الحب في قلبها هيكبر يقوم صاحبنا يشتري كل ما خف وزنه وغلا ثمنهفي اي مناسبه مهمه او لا وده غلط لان كل شاب لازم يعرف ان عنده حاجات كتير اوي البنت محتاجاها غير الهدايا وهي مشاعره واهتمامه وحنيته يبقي خليها تعجب بيك مش بمحفظتك.
2-وقت فراغك كله معاها: لما كل ساعه فاضيه تجري تقضيها مع حبيبتك بتحط نفسك في خطرين...اولا هتتخلي عن حياتك الاجتماعيه وافتكر كده من يوم ما ارتبطت بحبيبتك امتي آخر مره خرجت فيها مع اصحابك؟....ثانيا بقا ممكن تخنقها وتخليها تمل من سيادتك.
3-ترك التخطيط لها: حاسب من دي بقا عشان اي بنت بتكره جدا انها تاخد الخطوه الاولي او تبقي مسؤله عن القرارات لازم تشاركها حتي لو مشغول لشوشتك وتحسسها انك معاها في اي قرار؟
4-التعرف مبكرا علي اصدقائها واهلها: لازم اوي تتعرف علي اصحابها واهلها من بدري وده طبعا في الوقت المناسب وهتلاقي نفسك في دوائر من الانطباعات في كل كلمه او كل حركه بتعملها ما انت الحبيب و صاحب عمرها بقا.
5-اخفاء الحقائق عنها: مهما تحاول تخبي كله هينكشف وساعتها هيبقي شكلك وحش اووووووووووي قولها كل حاجه بصراحه.
6-تجنب المواجهه: لازم تواجه اي مشكله بينكم في وقتها واوعي تخاف حتي لو ده هيزعلها لانك لو كتمت في نفسك الموضوع هيكبر جواك.
كل واحد بقا يقول ايه الاخطاء اللي من دي بيعملها ويشوف
هيقدر يصلحها ولا اصلا مش مقتنع بالكلام ده؟؟؟؟؟؟؟
منتــــ روميو ـــدى
الخميس أبريل 26, 2007 4:27 pm
